Sambåndet

Torsdag 4. mars 2021
RSS
POSITIV: – Kanskje kan det bli litt mer normalt på bibelcampen i år enn i fjor, sier avtroppende driftsleder Thomas Knutsen. Foto: Stein Gudvangen, KPK.

Bestillingar strøymer på til Lyngdal Bibelcamp

Folk satsar på at sommaren blir normal nok til at det blir bibelcamping i Lyngdal i år også.

Skrevet av Stein Gudvangen, Kristelig Pressekontor den 20. januar 2021.

Ved nyttår vart det opna for å bestille overnatting til Indremisjonsforbundet sitt største sommar-evenement, Lyngdal Bibelcamp. Campen byrjar 5. juli og varer ut månaden, men dei ivrigaste melder seg alltid med ein gong det let seg gjere å bestille.

Mange har tydelegvis god tru på at sommaren skal bli ganske normal, sjølv om ingen kan garantere for ein virusfri ferie i 2021. 300-400 personar har uansett bestilt overnatting i leiligheiter på KVS Lyngdal, den vidaregåande skulen som er vertskap for bibelcampen.

Når sommarfolket strøymer på, får mange av dei husrom der elevane bur til dagleg. Dei som ikkje bur under tak, rykker inn på campingplassen som er open det meste av skuleferien, det vil seie også før og etter sjølve bibelcampen.

Nesten normalt

– Det er bortimot normalt med tingingar i år også, seier Thomas Knutsen som er avtroppande driftsleiar på campingplassen.

Han fortel til Kristelig Pressekontor at det alltid er stort trykk den første påmeldingsdagen. Då er det nokre faste feriegjester som skal sikre seg og familien den same leiligheita som dei har hatt i alle år og som dei er så nøgd med.

Knutsen og co. har plass til oppimot 1000 menneske på ein gong, og alt i januar kan mykje tyde på at det vert mange deltakarar på bibelcampen også i år.

Den fire veker lange bibelcampen kan bli gjennomført med ein del restriksjonar dette året også, men dette vil avhenge av smittespreiinga framover. Indremisjonsforbundet planlegg for ein sommar både med og utan koronatiltak.

– Det er litt tidleg å seie, men ut frå råda regjeringa kjem med, kan det kanskje bli litt meir normalt i år enn i fjor, vonar ein optimistisk Thomas Knutsen.

– Grunna koronasituasjonen må vi planleggje for fleire scenarier, seier arrangements- og marknadsansvarleg Kenneth Foss i Indremisjonsforbundet til hovudorganet Sambåndet. – Vi planlegg for vanleg sesong. I tillegg må vi sjå på situasjonen når det nærmar seg og kva koronatiltak som gjeld og planlegge bibelcampen ut frå det, seier han.

Talarar
Programmet er ikkje heilt klart enno, men talarlista ligg føre. Der står det namn som Andreas Evensen, Ruben Lie Monsen, Gunnstein Nes, Marit Stokken og Irene Krokeide Alnes, Aud Karin K. Ringvoll, Johan Halsne, Erik Furnes og Runar Landro.

Desse skal i elden ei veke kvar seg fordelt på dei fire vekene bibelcampen varar. KPK

Ingen kommentarer »

Skriv en kommentar

Bedehuset Karmel ønsker å gjøre alvor av visjonen om å være et inkluderende fellesskap. Til det har forsamlingen fått hjelp av kurset «Varmere kirkekaffe», med økonomisk støtte fra K-stud.

Per Gunnar Hamnøy har arbeidet som lærer i ungdomsskolen i 21 år. Nå skal han være med og bygge opp en ny folkehøgskole og jobber med å rekruttere i elever.

Slik verda fungerer i dag, meiner Stefanusalliansen det òg er viktig å diskutera kåret til trusfridommen i Noreg, korleis politikarar ordlegg seg og kva signal vi sender.

– Gud er oss nær også når vi ikke kan samles fysisk. Med det vi gjør nå, ønsker vi også å komme nærmere hverandre, sier John Torjus Eriksen i Sogndal Indremisjonsforsamling (SIM). 

Paulus forkynte evangeliet samtidig som han holdt fram borgerrettighetene sine. Det kan vi også gjøre, mener Jan Harsem i Verdialliansen.

Copyright © Sambåndet 2021