Sambåndet

Torsdag 21. januar 2021
RSS
OVERVELDA: Dagelg leiar Ragnhild Kristine Vartdal Espeland i Radio Sunnmøre er overvelda over det gode resultatet av radiomessa. FOTO: Radio Sunnmøre

Digital radiomesse over all forventing

Traas i koronarestriksjonar blei det eit rekordresultat på over 300 000 kroner for årets utgåve av radiomessa til Radio Sunnmøre.

Skrevet av Brit Rønningen den 16. november 2020.

Utviklingsminister Dag Inge Ulstein på besøk hos Radio Sunnmøre. Foto Ragnhild Kristine Vartdal Espelund

‒ Det var heilt fantastisk, nesten ikkje til å tru. Vi hadde ikkje så store forventningar, men dette er over all forventning, seier dagleg leiar Ragnhild Kristine Vartdal Espelund i Radio Sunnmøre til sambåndet.no om resultatet av årets radiomesse.

I 2019 samla dei inn 160 000 kr, og det var rekord. I år valde dei å ha ei digital radiomesse på grunn av Covid-19.

Rekord
‒ Vanlegvis har vi om lag 100 frivillige som er engasjert i radiomessa. I år var det i hovudsak hovudkomiteen som sto for det meste av arbeidet.

På ei vanleg radiomesse får dei inntekter frå loddboksal, kafésal, tombola, grautsal og lynlodd.

‒ Desse inntektene mista vi i år. Derfor håpa vi på å få inn 50 000-60 000, fortel Vartdal Espelund.

Men resultatet av den digitale radiomessa fredag den 6. november viste at det kom inn over 300 000 kr, og 100 000 av desse kom frå ein anonym givar. Det er ny rekord.

Nervar

Ole Andreas Høyberg, og med artisnamn Adam Cliff, song live under Radio Sunnmøre si digitale Radiomesse. Foto_Ragnhild Kristine Vartdal Espelund

Vartdal Espelund forklarer det med at mange ringde og bestilte varer og lodd, og fleire gav ei messegåve og takka for at dei ikkje hadde fysisk radiomesse. Ja, det det ringde så mange at «Det kokte på telefonlinjene midt på dag, så vi måtte restarte linja», som det står i pressemeldinga frå Radio Sunnmøre. Og mange frivillige heiv seg rundt og baka i to veker over fire hundre lefser, haugar med aniskringler og ambrosiabrød og mykje anna godt.

I pressemeldinga innrømmer Vartdal Espelund at det var nervar i forkant for om ein fekk selt nok lefser og bakst og basarbøker.

‒ Fekk de selt all baksten?                            

‒ Ja, det er ingen ting igjen.

Dugnad

I sendinga i samband med den digitale radiomessa, var det med fleire gjester i studio, mellom andre utviklingsminister Dag Inge Ulstein, artist Adam Cliff/Ole Andreas Høyberg og fleire av dei frivillige som var med og gjorde dagen mogleg.

Radio Sunnmøre når fleire tusen lyttarar på Sunnmøre kvar veke og sender over heile Sunnmøre på FM og Dab, i tillegg til døgnet rundt på internettradio og via appen Radioplayer. I tillegg har radiokanalen i år hatt rundt 20 000 brukarar som den når med intervju lagt ut på heimesida og podkast, og den har over 6000 aktive følgjarar på Facebook.

‒ Radiomessa var ein enorm dugnad som det var fascinerande å være vitne til. Det er tydeleg at Radio Sunnmøre er ein lokalradio mange ynskjer å ha og som betyr mykje for mange, konkluderer Ragnhild Kristine Vartdal Espelund.

Ingen kommentarer »

Skriv en kommentar

Både ImF og Tro & Medier har nå takket nei til å være med på Vårt Lands planer om en egen fjernsynskanal. Tro & Medier vil i stedet samarbeide med en svensk TV-kanal.

Folk satsar på at sommaren blir normal nok til at det blir bibelcamping i Lyngdal i år også.

(Korona) ImF åpner nå for normal aktivitet i barne- og ungdomslag der deltakerne er yngre enn 20 år. Der et er også mulig med små husgrupper.

Etter 36 år som ansatt på Nordhordland Folkehøgskole går Jan Inge Wiig Andersen av med pensjon til høsten.

Søndag 17. januar er det mange digitale møter å velge blant fra indremisjonsfamilien. Her får du en kretsvis oversikt.

Copyright © Sambåndet 2021